Mbahet Punëtoria për Kodin e Mirësjelljes në shkollën Naim Frashëri Prishtinë
07.04.2014Prishtinë-04 prill- Organizata joqeveritare Syri i Vizionit në kuadër të projektit Together 4 children rigts- Child Protection, mbështetur nga Save the Children, ka mbajtur punëtorinë për hartimin e kodit të mirësjelljes me këshillin e shkollës fillore dhe të mesme të ulët Naim Frashëri në Prishtinë.
Këshilli i shkollës ka mirëpritur nismën e hartimit të kodit të mirësjelljes për shkollën e tyre dhe e kanë cilësuar si diçka shumë të nevojshme për shkollën e tyre si si dhe kanë çmuar punën që është duke bërë OJQ Syri i Vizionit dhe Save the Children. Ata kanë vlerësuar këtë nismë si një ndihmë shumë të madhe për shkollën e tyre, pasi qe ky kod ka të bëjë me vendosjen e disa rregullave të brendshme që shkolla duhet ti ketë në kodin e mirësjelljes me të drejtat dhe përgjegjësitë e nxënësve dhe të vetë mësimdhënësve.
Përveç, kodit të mirësjelljes për këtë shkollë dhe shkollat tjera, do të mbahen edhe punëtori për fuqizimin e mekanizmave për të drejtat e fëmijëve, gjithashtu do të mbahen trajnime me nxënës, në tema të ndryshme ku do të jenë pjesëmarrës edhe këshilli i shkollës (mësimdhënës, këshilli prindërve dhe këshilli i nxënësve) duke ndikuar në vetëdijesimin e nxënësve, mësimdhënësve dhe vetë prindërve mbi të drejtat e fëmijëve dhe adresimin e dhunës në mekanizmat ekzistues për të drejtat e fëmijëve.
Projekti Together 4 children rigts- Child protection ka për qëllim zhvillimin e një sistemi për monitorimin dhe raportimin e dhunës ndaj fëmijëve, duke krijuar politika të favorshme për përmirësimin e mbrojtjes së fëmijëve në Kosovë që janë në përputhje me Konventën për të Drejtat e Fëmijëve dhe standardeve të BE-së.
Ky projekt po implementohet në dhjetë shkolla fillore dhe tw mesme te ulëta në pesë komuna të Kosovës: në Prishtinë Naim Frasheri dhe Ismail Qemali; në Pejë Ramiz Sadiku dhe Xhemail Kada; në GjakovëMustafa Bakia dhe Zekeria Rexha; në Ferizaj Tefik Çanga dhe Jeronim De Rada, dhe në Mitrovicë nw shkollat Bedri Gjina dhe Andon Zako Çajupi. Përfituesit të këtij projekti janë nxënësit, prindërit e tyre dhe mësimdhënësit e këtyre shkollave si dhe institucionet përgjegjëse për mbrojtjen dhe respektimin e të drejtave të fëmijëve..