Fëmijët vetëdijësojnë bashkëmoshataret e tyre për ditën ndërkombëtare për të drejtat e tyre
20.11.2013Pejë, Gjakovë, Ferizaj, Mitrovicë, 20 nëntor - Organizata joqeveritare Syri i Vizionit në kuadër të ditës ndërkombëtare të Konventës mbi të Drejtat e Fëmijëve mbështetur nga Save the Children ka zhvilluar aktivitete të shumta në shkollat fillore Ramiz Sadiku dhe Xhemail Kada në Pejë, Zekeria Rexha dhe Mustafa Bakia në Gjakovë, Bedri Gjinaj dhe Andon Zako Çajupi në Mitrovicë si dhe në shkollat fillore Jeronim De Rada dhe Tefik Çanga në Ferizaj.
Grupi i fëmijëve si trajnerë të rinj kanë mbajtur ligjëratat për konventën mbi të drejtat e fëmijëve për bashkëmoshataret e tyre në të gjitha paralelet e klasave VI-IX, duke bërë vetëdijesimin e fëmijëve për të drejtat qe atyre ju garantohen me konventën ndërkombëtare. Përveq ligjëratave nëpër klasë fëmijët kanë bërë edhe shpërndarjen e broshurës me përmbajtje të konventës tek të gjithë fëmijët.
Ky aktivitet është realizuar në kuadër të projekti Together 4 children rigts- Childprotection and Child Right Governance që organizata Syri i Vizionit mbështetu nga Save the Children është duke realizuar në disa komuna të Kosovës, që ka për qëllim mbrojtjen e fëmijëve dhe fuqizimin e mekanizmave për të drejtat e fëmijëve.