Titulli i projektit: “Gratë dhe personat me aftësi të kufizuara si ndërmarrëse bujqësore në Kosovë” 
Kohëzgjatja e projektit: 2022 - 2025
Vendi i implementimit te projektit: Pejë, Istog, Gjakove, Rahovec
Organizata(t) zbatuese: Syri i Vizionit 
Buxheti: 
Donatori: Brut fur Die Welt

Qëllimi i projektit: Projekti “Gratë dhe personat me aftësi të kufizuara si ndërmarrëse bujqësore në Kosovë” fokusohet posaçërisht në grupet veçanërisht të margjinalizuara, gratë dhe personat me aftësi të kufizuara. Nëpërmjet veprimeve të synuara, projekti do të lehtësojë qasjen në masat e ndërtimit të kapaciteteve dhe grantet produktive për fuqizimin e mëtejshëm ekonomik të këtij grupi. Përveç kësaj, projekti ndjek një qasje të integrimit përmes avokimit për qasje të përmirësuar të grave dhe personave me aftësi të kufizuara në subvencione për të rritur pjesëmarrjen e tyre në programet ekonomike të qeverisë në Kosovë. Nëpërmjet ngritjes së kapaciteteve dhe masave ndërgjegjësuese, projekti synon sensibilizimin e aktorëve për të drejtat e grave dhe personave me aftësi të kufizuara.

Përfituesit: Gratë dhe personat me aftësi të kufizuara në zonat rurale të komunës së Pejës, Istogut, Gjakovës dhe Rahovecit kanë rritur kapacitetet e tyre në bujqësi dhe zhvillimin e biznesit si dhe kanë vënë në praktikë njohuritë dhe aftësitë e tyre të reja. Përfituesit e drejtpërdrejtë: Të paktën 50 vajza dhe gra fermere, si dhe persona me aftësi të kufizuara do të përfitojnë drejtpërdrejt nga programi i ndërtimit të kapaciteteve. 25 prej tyre do të jenë përfitues granti.  4 komuna në aktivitetet e programit (rrethi i Pejës, Istogut, Gjakovës dhe Rahovecit) janë përfshirë në mënyrë aktive përmes institucioneve, shkollave, bizneseve dhe OJQ-ve/OSHC-ve të tyre. 25 subjekte gjithashtu do të përfshihen drejtpërdrejt dhe do të përfitojnë.

Rezultatet:
•	50 anëtarë të grupit të synuar kanë përmirësuar njohuritë dhe aftësitë në bujqësi dhe zhvillimin e bizneseve.
•	20 ndërmarrje të reja janë themeluar dhe 5 biznese familjare ekzistuese në bujqësi kanë rritur numrin e grave sipërmarrëse, vetë-initiativën dhe vetë-punësimin e tyre.
•	Forumet e grave në nivel komunal kanë hartuar dhe propozuar tek institucionet lokale kriteret për subvencionimin e fermerëve dhe japin kontribut për dizajnimin e një fushate ndërgjegjësuese.
•	Fushatë ndërgjegjësimi për të sensibilizuar aktorët lokalë, zyrtarët qeveritarë dhe publikun e gjerë mbi diskriminimin ndaj grave dhe personave me aftësi të kufizuara, sesi kjo pengon të drejtat e tyre njerëzore dhe çfarë hapash praktikë janë të nevojshme për ta adresuar këtë.

Aktivitetet:
•	Katër seanca informative në Pejë, Gjakovë, Istog dhe Rahovec – një për komunë.
•	Ftesa për grupet e synuara për të aplikuar dhe përzgjedhja e përfituesve.
•	Organizimi i katër punëtorive një-ditore për përfituesit në fushën e prodhimit organik dhe përdorimit të qëndrueshëm të burimeve, administrimit të biznesit, organizimit në kooperativa, menaxhimit të fermës dhe aftësive të buta.
•	Organizimi i një vizite studimore në një biznes të vogël bujqësor të suksesshëm.
•	Mbajtja e punëtorive për zhvillimin e planeve të biznesit.
•	Punëtoria “Vendi i punës gjithëpërfshirës” e mbajtur nga një OJQ e personave me aftësi të kufizuara.
•	Mentorim individual për grupin e synuar në zhvillimin dhe hartimin e planeve të biznesit.
•	Organizimi i procesit të aplikimit të ideve të biznesit.
•	Ofrimi i mentorimit dhe mbështetjes këshilluese gjatë zbatimit të planit të biznesit.
•	Organizimi i trajnimeve specifike për përfituesit në fushat që kanë nevojë.
•	Thirrja e forumeve joformale të grave.
•	Organizimi i një punëtorie me personat me aftësi të kufizuara.
•	Hartimi i propozimeve dhe kritereve paraprake dhe prezantimi i rezultateve tek autoritetet lokale dhe përdorimi i tyre në fushatën ndërgjegjësuese.
•	Zhvillimi i komponentëve të fushatës, planifikimi i kohës, përmbajtja dhe mjetet, dhe realizimi i dy studimeve rasti mbi përfituesit e projektit për përdorim në fushatë.

Titulli i Projektit: “Aksioni për Ndryshime Klimatike dhe Mbështetja e Mjedisit në Kosovën Perëndimore”
Kohëzgjatja: 24 muaj (tetor 2022 – tetor 2024)
Vendi: Pejë dhe Junik
Organizata(t) zbatuese: Syri i Vizionit
Buxheti: 59, 363.00 euro
Donatorët: Ministria e Zhvillimit Rajonal dhe Caritasi Zvicerran 

Qëllimi i projektit: Projekti synon të mbështesë dhe fuqizoj Këshillave të Nxënësve dhe Eko Klubeve në shkollat fillore dhe të mesme të larta në Pejë  (Ali Hadri, Rifat Gjota –isha Shaban Spahija, Halit Kasapolli, Odhise Paskali, Bedri Pejani, Shkolla e Mjekësisë) dhe Junik (Kuvendi i Junikut) qe të jenë aktive në fushën e mjedisit dhe ndryshimeve klimatike shkollat e mesme të përzgjedhura në Kosovën Perëndimore.

Përfituesit: Përfituesit e janë i gjithë kolektivi i shkollave fillore dhe temës me të mesme në Pejë dhe Junik, mësimdhënës dhe nxënës dhe qytetarët këtyre dy komunave pasi që aktivitetet që do realizohen nga Eko-klubet kanë ndikim të drejtpërdrejtë edhe në ngritje të vetëdijes së qytetarëve mbi rëndësinë e parandalimit të ndryshimeve klimatike dhe ruajtjen e mjedisit. 
Realizimi i projektit:  Projekti do të realizohet në dy komuna Pejë dhe Junik, ku për herë të parë edhe do krijohen Ekoklubet në shkollat e Pejës si Ali Hadri, Rifat Gjota –isha Shaban Spahija, Halit Kasapolli, Odhise Paskali, Bedri Pejani dhe Shkolla e Mjekësisë si dhe Junik – në gjimnazin Kuvendi i Junikut.

Objektivat dhe rezultatet: 
•	Rritja e aftësive dhe kapaciteteve të Këshillave Studentore/Eko Klubeve - përmes sesione informuese, trajnimeve dhe punëtorive.
•	Mbështetja dhe përfshirja e të rinjve në politikëbërjen lokale- Debati publik ndërmjet DUMM me Eko-klubet për mbrojtjen e mjedisit dhe cilësia e ajrit.
•	Punëtori për shkrimin e projekt propozimeve –Janë prezantuar mostra dhe është ofruar asistencë teknike gjatë shkrimit të projekteve.
•	Promovimi i aktiviteteve dhe fushatave avokuese për mbrojtjen e mjedisit dhe ndryshimet klimatike në rrjetet sociale-  Krijimi i fanpage në Facebook për secilën shkollë
•	Këshillat Studentorë/Eko Klubet janë në gjendje të zbatojnë projekte në shkallë të vogël dhe të ndërmarrin veprime mjedisore në nivel lokal.
•	Të rinjtë kuptojnë dhe kontribuojnë dhe janë në gjendje të ndërmarrin veprime mjedisore dhe  kundër ndryshimeve klimatike.
•	Shkollat  e mesme, komunat si dhe publiku lokal janë të informuar dhe të vetëdijshëm për rreziqet që rrjedhin nga ndryshimet klimatike.
•	Mbështetje në hartimin e Komponentit Rinor në LEAP dhe Avokim, Lobim për përfshirjen e të rinjve në zhvillimin dhe miratimin e PLVM.
•	Mbështetje në zhvillimin, zbatimin dhe monitorimin e projekteve mjedisore në shkallë të vogël për shkollat e mesme të larta (grante).
•	Mbështetja e secilës shkollë me grante në vlerë prej 4,880.00 euro në mjedis e që ka ndikim në parandalim të ndryshimeve klimatike.

Aktivitetet:
•	Rritja e aftësive dhe kapaciteteve të Këshillave Studentore/Eko Klubeve - përmes sesione informuese, trajnimeve dhe punëtorive.
•	Mbështetjen dhe përfshirjen e të rinjve në politikë bërjen lokale - Debati publik ndërmjet DUMM me Eko-klubet për Mbrojtjen e mjedisit dhe cilësia e ajrit.
•	Punëtori për shkrimin e projekt propozimeve –Janë prezantuar mostra dhe është ofruar ndihmë teknike gjatë shkrimit të projekteve.
•	Promovimi i aktiviteteve dhe fushatave avokuese për mbrojtjen e mjedisit dhe ndryshimet klimatike në rrjetet sociale-  Krijimi i fanpage në Facebook për secilën shkollë.

Titulli i Projektit: Perspektiva për zgjedhjet lokale 2021
Kohëzgjatja: 4 muaj (gusht - nëntor 2022)
Vendi: Pejë, Istog
Organizata(t) zbatuese: Syri i Vizionit
Buxheti: 4334.64 euro
Donatori: Olof Palme International

Qëllimi i projektit: Iniciativë e organizatave të shoqërisë civile në Kosovë që veprojnë në kuadër të koalicionit “Aleanca për Qytetari Aktive” është monitorimi i përmbushjes së zotimeve zgjedhore të kryetarëve të komunave.
Përfituesit: Grupet kryesore të synuara nga projekti janë qytetarët e këtyre komunave ku zbatohet projekti dhe monitorimi i kërkesave apo shqetësimeve të tyre drejtuar kryetarëve të komunave në zgjedhjet lokale 2021. 

Realizimi i projektit: Gjatë periudhës së fushatës zgjedhore për kryetarë të komunave 2021, në dhjetë komuna të Kosovës janë organizuar tridhjetë tubime me qytetarë për të identifikuar kërkesat e tyre ndaj kandidatëve për kryetar të komunës së tyre. Nga tri tubime janë organizuar për secilën komunë. Në tubimin e parë është diskutuar për çështje të përgjithshme që preokupojnë qytetarët. Në tubimin e dytë është diskutuar për një temë specifike për secilën komunë, në varësi të asaj çfarë organizatat lokale e kanë konsideruar si më të nevojshme. Kurse tubimi i tretë ka pasur një temë të njëjtë për dhjetë komunat, ku është diskutuar për dialogun social.
Pas përfundimit të takimeve, kërkesat e qytetarëve janë mbledhur në një bazë të të dhënave dhe janë renditur sipas votave të marra gjatë diskutimeve. Kështu, janë identifikuar prioritetet e qytetarëve dhe kërkesat tjera më pak urgjente.
Për secilën komunë është hartuar dokumenti i veçantë i quajtur Karta e Zotimeve. Në Kartën e Zotimeve janë listuar të gjitha kërkesat e qytetarëve, të renditura sipas prioritetit dhe fushës që i takojnë. Karta e Zotimeve është hartuar me qëllim që t’u prezantohet kandidatëve për kryetarë komune. Të gjithë kandidatëve për kryetarë komune në dhjetë komunat e përzgjedhura u është ofruar mundësia që të nënshkruajnë këtë Kartë, e cila do të shërbejë si kontratë sociale mes tyre dhe qytetarëve të cilët ata do t’i qeverisin për katër vitet e ardhshme. Karta e Zotimeve njëkohësisht do t’i shërbejë shoqërisë civile si dokument bazë për të monitoruar qeverisjen lokale në katër vitet e ardhshme në këto dhjetë komuna.
Pas përfundimit të zgjedhjeve, organizatat anëtare të koalicionit “Aleanca për Qytetari Aktive” kanë takuar kryetarët e zgjedhur të komunave, për t’iu rikujtuar zotimet zgjedhore dhe avokuar për përmbushjen e tyre. Progresi në përmbushjen e zotimeve është duke u monitoruar në baza të rregullta nga organizatat dhe po prezantohet në platformën “zotimet.forumi.online”, ku jepet mundësia për qytetarët që të shohin përmbushjen e zotimeve.

Arritjet:
•	Monitorimi i Kartës së Zotimeve, të dala nga diskutimet me qytetarë gjatë zgjedhjeve lokale 2021.
•	Futja e të dhënave të monitorimit në data bazën online forumi.online. 
•	Pjesëmarrja në punëtoritë me partneret lokal për metodologjinë. 
•	Organizimi i takimeve me kryetarët për projektin dhe Kartën e Zotimeve.
•	Mbledhja e të dhënave për prodhimin e 4 info grafikëve që publikohen nga D+
•	Raporti përfundimtar për përmbushjen e zotimeve 
•	Organizimi i konferencës përmbyllëse.

Emri i projektit: Zhvillimi dhe zbatimi i standardeve ndërkombëtare për të ushqyerit dhe përmirësimi i praktikave të menaxhimit të sigurisë së ushqimit

Kohëzgjatja: 1 prill - 31 qershor 2022

Vendi: Kosovë

Organizata(t) zbatuese: SiV në partneritet me Spitalin Rajonal të Pejës 

Donatori: Humedica International Aid
Buxheti:   71,920.00 euro 
Qëllimi i projektit: Përmirësimi i shërbimeve të kujdesit ndaj pacientëve duke zbatuar standardet ndërkombëtare në fushën e të ushqyerit.
Përfituesit: Sektori i shëndetësisë;
- Fuqia punëtore e Spitalit të Përgjithshëm, pacientët dhe popullsia rajonale:
- Do të përfitojnë deri në 30 mjekë, deri në 40 infermierë në vit;
- 13,027 pacientë do të përfitojnë kujdes të përmirësuar në vit;
- Popullsia e përgjithshme lokale e rajonit rreth dhe të gjithë banorët e rajonit të Pejës.

Realizimi i projektit: Projekti i ka pesë (5) komponentë të ndërlidhur në pajtim me rezultatet e pritura të cilat do të realizohen.

Rezultatet:
1.	Ekzaminimi i rrezikut të ushqyerjes;
2.	Ofruesit e kujdesit ushqimor;
3.	Praktikat e shërbimit të ushqimit;
4.	Ushqimi spitalor; dhe
5.	Ekonomia e shëndetësisë.

Emri i Projektit: Kujdesi Shëndetësor i Qasshëm dhe Cilësor
Buxheti për këtë projekt për periudhën prill-dhjetor 2022 ka qenë 1.640 euro.

Gjatë vitit 2022 Syri i Vizionit në bashkëpunim me AQH - Kujdesi Shëndetësor i Qasshëm dhe Cilësor dhe me Bashkëpunim (SDC) dhe i zbatuar nga Swiss TPH, ka realizuar disa sesione ndërgjegjësuese për komunitetin në gjashtë komuna të Kosovës: Pejë, Istog, Klinë, Deçan, Junik dhe Gjakovë. Ky projekt ka arritur mbi 1,000 pjesëmarrës, me fokus në popullatën e rrezikuar nga sëmundjet kronike.
Sesionet ndërgjegjësuese

Gjatë vitit 2021, janë organizuar 41 sesione ndërgjegjësuese në këto komuna, ku ka pasur një pjesëmarrje të madhe të anëtarëve të komunitetit— kryesisht pacientë të prekur nga hipertensioni dhe diabeti, si dhe anëtarë të familjeve që kërkonin të kuptonin më mirë këto sëmundje. Këto sesione janë udhëhequr nga mjekë të angazhuar nga Qendrat e Mjekësisë Familjare dhe institucione shëndetësore publike rajonale, duke siguruar që informacioni të ishte i saktë, i qartë dhe i përshtatshëm për shqetësimet shëndetësore të pjesëmarrësve.
Temat e trajtuara në sesionet tona përfshinin:
•	Hipertensioni: Kuptimi i shkaqeve, rreziqeve dhe parandalimit
•	Diabeti: Njohja e simptomave, menaxhimi i trajtimit dhe përshtatjet e stilit të jetës
•	Astma: Ndërgjegjësimi për parandalimin dhe strategjitë e menaxhimit
Vendet e mbajtjes së sesioneve ishin kryesisht shkolla, të cilat ofronin hapësira të përshtatshme për mbledhjen e njerëzve dhe ishin afër zonave ku ata jetonin. Falë mbështetjes dhe bashkëpunimit me autoritetet shëndetësore lokale dhe drejtuesit e këtyre institucioneve, kemi arritur të organizojmë me sukses këto sesione.

Ndikimi dhe arritja
Në total, kemi angazhuar 1,014 pjesëmarrës, me një përfaqësim të madh të grave (663) dhe burrave (351). Gjithashtu, kemi pasur pjesëmarrës nga grupe të ndryshme etnike, përfshirë shqiptarët (802), romët, egjiptianët dhe ashkalinjtë (211), duke theksuar angazhimin tonë për përfshirje dhe diversitet.

Rezultatet shëndetësore
Si rezultat i këtyre sesioneve, janë identifikuar raste të reja të sëmundjeve kronike, përfshirë 29 individë me hipertension, 13 me diabet dhe 1 rast me astmë. Kjo tregon rëndësinë e diagnozës së hershme dhe rolin jetik që kanë sesionet tona edukative në përballimin e sfidave të shëndetit publik.
Ne mbetemi të angazhuar për përmirësimin e rezultateve shëndetësore të komunitetit tonë përmes edukatës dhe mbështetjes së vazhdueshme, në bashkëpunim me institucionet shëndetësore lokale.

Titulli i projektit:Fuqizimi i grave ndërmarrëse ne bujqësi (viti i tretë). 

Kohëzgjatja e projektit: 1 shkurt – 31 dhjetor 2022
Vendi i implementimit te projektit: Pejë, Istog, Klinë.
Organizata(t) zbatuese: Syri i Vizionit 
Buxheti: 20,000 euro
Donatori: Diakonie Austria / Waldesian Church

Qëllimi i projektit:	
Përmirësimi i qeverisjes dhe ndërmarrësis së fermave përmes ngritjes së kapaciteteve dhe fuqizimit të grave dhe të rejave duke përmirësuar pozitën e tyre në biznese në komunat Pejë, Klinë dhe Istog.
Rritja e ndërmarrësisë së grave, forcimi i vetë-iniciativës dhe punësimit përmes zhvillimit të bizneseve familjare në bujqësi.
Ky projekt synon t'u ofrojë grave dhe fermereve te reja të zgjedhura  në rrethin e Pejës mbështetje në zhvillimin e aktiviteteve të tyre ekonomike.

Përfitueset:
Ky projekt është vazhdim i aktivitetit të ndërtimit të kapaciteteve për gratë fermere të filluar me financimin e Otto per Mille në vitin 2020 në tre komuna - Pejë, Klinë dhe Istog. Në vitin 2022, në total 26 gra dhe të reja do të jenë përfituese të drejtpërdrejta, duke përfshirë 21 gra fermere që morën pjesë në vitin 2021. Të paktën pesë gra të tjera fermerë do të ftohen të aplikojnë për mbështetje gjatë vitit 2022. Këshillim - mentorim i drejtpërdrejtë do t’u ofrohet në baze të produkteve dhe shërbimeve që ato ofrojnë ose synojnë të ofrojnë në të ardhmen.
Shoqata e Grave Bletarë “Bletët e Pejës”, e cila është themeluar në vitin 2020 nga disa gra përfituese të projektit, ka zhvilluar një strategji pesëvjeçare gjatë vitit 2021 dhe tani shoqata ka 46 anëtarë. Në vitin 2022, projekti do të vazhdojë të mbështesë gratë fermere individualisht, por edhe të ndihmojë Asociacionin në ngritjen e kapaciteteve në mbledhjen e fondeve dhe promovimin e produkteve të anëtarëve të Shoqatës.

Realizimi i projektit:
Gjatë tremujorit të parë të vitit 2022 do të mbahet një punëtori për zhvillimin e projekt propozimeve nga anëtarët e Asociacionit. Në tremujorin e dytë do të zhvillohet trajnimi për anëtarët e shoqatës së bletëve dhe do të organizohet një panair. Gjithashtu, gjatë vitit 2022 do të ofrohen trajnime dhe këshilla praktike për përfituesit e vitit 2020 dhe 2021.
Syri i Vizionit do të vazhdojë të takohet me përfaqësuesit e komunave për të definuar më mirë kriteret se si të fuqizohen gratë në bujqësi dhe të diskutohen mundësitë e bashkëfinancimit publik ose bashkëfinancime të tjera për të plotësuar mbështetjen e ofruar në kuadër të këtij projekti. Më pas do të organizohen sesione informuese për gratë fermere.

Projekti do të:
(1)	ofrojë trajnime për bletaret në fusha të ndryshme të bletarise, si rritja dhe mbajtja e bletëve, prodhimi i mjaltit, shumimi i bletëve, sëmundjet e bletëve dhe te ushqyerit e bletëve 
(2)	ofrojë këshillim/trajnim praktik për gratë që thajnë bimë të vogla (barishte për çaj dhe gatim, bimë malore që ato mbledhin, bimë mjekësore)
(3) mbështesë të paktën pesë gra shtesë (akoma të pazgjedhura) fermere me trajnim,      mallra dhe / ose pajisje për të zhvilluar produktet e tyre;
       (4)  mbështesë shoqatën “Bletët e Pejës” me ngritjen e kapaciteteve të anëtarëve të stafit të tyre; dhe
       (5) fuqizojë grate nëpërmjet rrjetëzimit dhe përvetësimit të njohurive të reja edhe nëpërmjet vizitave studimore te sipërmarrës të suksesshëm bujqësor.

Aktivitetet dhe rezultatet:
26 gra fermere do të fitojnë njohuri praktike mbi kultivimin e bletëve, zëvendësimin e mbretëreshave të vjetra, trajtimin e sëmundjeve dhe dëmtuesve te bleteve, ushqyerjen e bletëve, vjeljen dhe ruajtjen e mjaltit si dhe për përgatitjen e tokës, mbjelljen, ujitjen, kultivimin organik të bimëve mjekësore dhe aromatike. bimët. Ata gjithashtu do të prezantohen në treg, marketing dhe rrjetëzim.
-	Do të mbahen pesë punëtori njëditore për gratë fermere në dy fusha: bletari dhe bimë mjekësore aromatike. Në këto punëtori femrat do të njihen me: Trajtimin kundër sëmundjeve dhe dëmtuesve të bletëve, ushqyerjen, riprodhimin, zëvendësimin e bletëve të vjetra mbretëresha, vjeljen dhe ruajtjen e mjaltit dhe përgatitjen e bletëve për dimër, si dhe përgatitjen e tokës, mbjelljen, ujitjen, kultivimin e bimë mjekësore dhe aromatike në mënyrë organike
-	  Gjashtë ditë mentorim në fermë - Trajnim praktik në fermë që do t’u ofrohet femrave përfituese të vitit të kaluar dhe mentorimi do të kryhet sipas fazave të veprimit të bletëve dhe varësisht nga koha e mbjelljes së bimëve aromatike dhe mjekësore. Përfituesit e dy viteve të fundit do të ndihmohen nga një koshere shtesë dykatëshe bosh, si dhe pajisje të tjera të nevojshme për ruajtjen e bimëve të vogla.
-	 Një vizitë studimore te bletarët e mëdhenj dhe një te kultivuesit e bimëve aromatike dhe mjekësore
-	Shoqata  Bletare e Grave “Bleta e Pejës” do të fuqizohet përmes aftësimit më të mirë për mbledhjen e fondeve duke rritur kapacitetin e tyre për të zhvilluar projekt propozime dhe përmes promovimit  të produkteve të  anëtareve të tyre në panair.
-	Do të mbahet trajnim/punëtori dyditore për zhvillimin dhe shkrimin e projekt propozimeve për anëtaret e Shoqatës së Grave Bletërritës “Bleta e Pejës”
-	Organizimi i panairit njëditor në qendër të Pejës, i cili do të organizohet nga Shoqata. Kjo do të mundësojë prezantimin e produkteve të tyre në këtë panair. Panairi do të organizohet në bashkëpunim me komunën e Pejës, përkatësisht Drejtorinë e Bujqësisë.
-	Së paku pesë (5) gra fermere që më parë nuk ishin pjesë e grupit të përfituesve të projektit do të pajisen me mjete – vegla pune për të zhvilluar produktet e tyre.

Perfitueset direkte dhe indirekte

Perfitueset direkte:
Në vitin 2022, gjithsej 26 gra dhe të reja do të jenë përfituese të drejtpërdrejta, duke përfshirë 21 fermere që morën pjesë në vitin 2021. Të paktën pesë gra fermere të tjera do të ftohen të aplikojnë për mbështetje gjatë vitit 2022.
Perfitueset indirekte:
Familjarët e grave dhe të rejave që do të përfshihen në projekt, rreth 120 persona gjithsej. Përfitues indirekt do të jenë edhe komunat dhe qytetarët e këtyre komunave.

Titulli i Projektit: Education and Employment promotion
Kohëzgjatja: 14 muaj (shtator 2022 - nëntor 2023)
Vendi: Kosovë, Mitrovicë, Vushtrri, Gjilan dhe Ferizaj
Organizata(t) zbatuese: Syri i Vizionit 
Donatori: Federal Ministry for Economic Cooperation and Development – BMZ through GIZ
Buxheti: 49,810 euro

Qëllimi i projektit është të forcojë punësimin dhe integrimin e të kthyerve dhe grupeve të cenueshme nëpërmjet përmirësimit të aftësive dhe njohurive të kërkuara në tregun e punës.

Përfituesit: Nga ky projekt përfitojnë të kthyerit nga vendet e treta, gratë dhe komunitetet joshumicë të cilët nuk janë pjesë e tregut të punës. Nga projekti përfitojnë edhe zyrat e punësimit në komunat Mitrovicë, Vushtrri, Gjilan dhe Ferizaj përmes ngritjes së kapaciteteve dhe prezantimit të veglave të reja për monitorimin e të punësuarave.

Realizimi i projektit: Zbatimin i projektit është ndarë në tri faza dhe secila fazë e projektit është bërë në bashkëpunim të ngushtë me Agjencinë e Punësimit dhe GIZ-in.
Gjatë fazës së parë, të kthyerit janë njoftuar me rrethanat lokale duke u mentoruar nga të rikthyerit të cilët janë integruar në tregun e punës. Gjithashtu, në këtë fazë është nënshkruar Memorandumi i Mirëkuptimit me Agjencinë e Punësimit për bashkëpunim në zbatimin e projektit dhe identifikimin e përfitueseve të projektit në bashkëpunim të ngushtë me zyrat e punësimit në nivel lokal.
Në fazën e dytë të projektit janë përzgjedhur trajnerët në bashkëpunim të ngushtë me Agjencinë e Punësimit dhe GIZ, të cilët kanë ndjekur një trajnim ToT për manualin “Zhvillimi i aftësive për jetën/karrierën dhe punësimi” si dhe janë organizuar trajnimet në katër komuna në tetë grupe për përfituesit e projektit.
Faza e tretë ka përfshirë ndërmjetësimin në punësim për përfituesit. Zyrat e punësimit ka paraqitur para përfitueseve (gjatë fazës së trajnimit) nevojat e bizneseve për punonjës dhe ka ofruar ndërmjetësim për punësim.

Rezultatet e pritura:
- 30 të kthyer janë riintegruar dhe adoptuar në rrethanat lokale përmes qasjes peer to peer
- 6 zyrtarë të punësimit janë trajnuar dhe ngritur kapacitetet dhe janë njohur me metodologjitë e reja në shërbimet mbështetëse për grupet e kthyera dhe grupet e cenuara.
- 152 pjesëmarrës nga grupe e cenueshme (20% të kthyer, 40% femra dhe 20% minoritet) kanë ndjekur trajnimet në 8 sesione për “Zhvillimi i aftësive për jetën/karrierën dhe punësimi”.
- 22 persona janë punësuar, 12 janë vetëpunësuar, 3 persona kanë kryer punë praktike dhe 50 persona kanë vazhduar në edukim profesional.

Emri i projektit: “ÇFARË KA RRETH MEJE’’ 
Kohëzgjatja; 6 muaj - 15 Maj - 14 nëntor, 2022
Vendi: Pejë 
Organizata(t) zbatuese: Syri i Vizionit 
Buxheti: 10,772,83 euro
Donatori: NDI

Qëllimi i projektit: 
Të rinjtë që u përkasin besimeve dhe komuniteteve të ndryshme në Pejë kanë rritur njohuritë tyre për kulturën, fenë dhe traditat e komuniteteve tjera.
Të rinjtë nga komunitete dhe fe të ndryshme angazhohen në ndërtimin e paqes dhe rrisin tolerancën fetare në komunitetet e tyre.
Përfituesit: 
20 të rinj nga komunitete dhe besime të ndryshme do të jenë pjesë e forcimit të tolerancës fetare e ndëretnikë në komunën e Pejës, Vitomiricë dhe Gorazhdevcit.

Realizimi i projektit: 
Pranimi i 20 të rinjve nga vlerësimi i thirrjes për të qenë pjesë e projektit. Hapja e thirrjes përmes aplikacionit për të rinjtë e interesuar për të qenë pjesë e projektit dhe aktiviteteve të përbashkëta. Pas aplikimit përmes pyetësorëve, do të përzgjidhen 20 të rinj të cilët do të marrin pjesë drejtpërdrejt në aktivitete. Gjatë kësaj faze do të ketë një takim të përbashkët me të rinjtë për t’u prezantuar atyre projektin dhe aktivitetet që do të realizohen.
Lyerja e vezëve me katolikët, përgatitja e iftarit me myslimanët, kuptimi i Pashkëve (mënyra katolike) dhe kuptimi i iftarit /Ramazanit.
Të rinjtë e besimit katolik, ortodoks dhe myslimanë do të mblidhen do të kenë një mentor - mentor i besimit katolik – i cili do t'u ndihmojë në lyerjen e vezëve. Pas përfundimit të lyerjes së vezëve, një prift ose një murgeshë do të ftohet për të mbajtur një leksion mbi rëndësinë e Pashkëve katolike dhe kuptimin e vezëve që simbolizojnë këtë festë për besimtarët katolikë.

Të rinjtë e besimit katolik, ortodoks dhe mysliman do të mblidhen në një restorant apo hotel me karakter tradicional lokal ku do të kenë një mentor. Një mentor do të prezantojë ushqimet më të rëndësishme për Iftar (vakti i ngrënë nga myslimanet pas perëndimit të diellit gjatë Ramazanit), duke përfshirë gjithashtu përgatitjen e hallvës, e cila simbolizon Natën e Kadrit (Al Kadr), e cila është një nga netët më të rëndësishme për myslimanët. Imami do t'u flasë atyre për rëndësinë e Ramazanit duke përfshirë edhe natën e Kadrit.

Të rinjtë e besimit katolik, ortodoks dhe mysliman do të mblidhen do të kenë një mentor - mentor i besimit ortodoks - që do t'i ndihmojë në lyerjen e vezëve. Pas përfundimit të lyerjes së vezëve, një prift ose një murgeshë do të ftohet për të mbajtur një leksion mbi rëndësinë e Pashkëve ortodokse dhe kuptimin e vezëve që simbolizojnë këtë festë për besimtarët ortodoks të organizohet një tubim me të rinjtë ku do të promovojnë kulturat që karakterizojnë përkatësinë e tyre kombëtare, ku do të këndojnë këngë tradicionale dhe do të vishen me kostumet e tyre kombëtare duke krijuar kështu një diversitet kulturor tek të rinjtë. Do të zhvillohet një karaoke ku të gjithë do të këndojnë këngë të kombësisë së njëri-tjetrit.
Pelegrinazhi në këmbë - vizitë studimore në objektet kryesore fetare në Pejë.

Pelegrinazh me autobus “vizitë studimore në disa objekte fetare ne rajon. Një vizitë katër ditore me autobus me të rinj do të organizohet në komunat Ulqin, Shkodër, Podgoricë dhe ne zonën e Plavës dhe Gucisë.

Rezultat e pritura:
•	Pranimi i 20 të rinjve nga vlerësimi i thirrjes për të qenë pjesë e projektit 
•	Të rinj nga komunitetet dhe besime të ndryshme do jenë pjesë e forcimit të tolerancës fetare ndëretnike në komunën e Pejës
•	Te rinjtë promovojnë kulturat dhe përkatësinë e tyre fetare dhe kombëtarë duke ndikuar drejtpërdrejtë në ndërtimin e paqes përmes aktiviteteve kulturore, ndëretnikë dhe ndërfetare.
•	15 të rinj nga Peja do të kenë mundësinë të mësojnë më shumë për tolerancën fetare dhe bashkëjetesën ndëretnike e ndër fetare edhe në pjesët tjera të Ballkanit.

Titulli i Projektit: Aleanca Qytetari Aktive & Komuna të Përgjegjshme
Kohëzgjatja: 12 muaj (janar 2022- dhjetor 2022)
Vendi: Pejë, Klinë, Istog, Junik, Deçan, Gjakovë, Rahovec, Prizren, Prishtinë, Mitrovicë Jugore, Vushtrri, Obiliq, Fushë Kosovë, Graçanicë, Kllokot, Ranillug, Partes, Novobërdë, Shtërpcë, Skenderaj, Lipjan, Kamenicë, Mitrovicë Veriore
Organizata(t) zbatuese: Syri i Vizionit, “Ec Ma Ndryshe”, CSD and Democracy Plus
Buxheti: 139,038.26 euro
Donatoret: Olof Palme International

Qëllimi i projektit: Qëllimi i kësaj aleance është të aktivizojë qytetarët dhe t'i edukojë ata për mekanizmat dhe mjetet në dispozicion për t'i shprehur shqetësimet e tyre komunave të tyre. Në këmbim komunat aktivizojnë mekanizmat e tyre të reagimit dhe sigurohet një proces i bashkëpunimit demokratik. Kur qytetarët organizohen drejt veprimeve që përfitojnë komunitetin e tyre, pjesëmarrja qytetare rritet. Kur ekzistojnë dy ose më shumë nga këto lloj organizatash bërthamë dhe ato bashkëpunojnë me njëra-tjetrën, rrjetëzimi, procesi i vendimmarrjes mund të drejtohet drejt tyre dhe interesave të tyre.

Përfituesit: Grupet kryesore të synuara nga projekti janë këshillat vendorë, qeveritë komunale, grupet e grave, organizatat e shoqërisë civile, grupet joformale, si dhe qytetarët që synojnë të aktivizohen për të mirën e komuniteteve të tyre. 
Po ashtu pushteti vendor duke përfshirë kryetarët e komunave, drejtorët e shërbimeve publike, anëtarët e kuvendeve komunale, autoritetet publike të nivelit qendror, Ministria e Administrimit të Pushtetit Lokal, me të cilën planifikojmë të vazhdojmë më tej bashkëpunimin për organizimin dhe strukturimin e këshillave vendore, është gjithashtu një palë e interesuar në projekt.

Realizimi i projektit: Puna e drejtpërdrejtë me qytetarët për të ofruar udhëzime dhe njohuri në lidhje me vendimmarrjen me pjesëmarrje të qeverisjes vendore, dhe puna me institucionet publike për të nxitur bashkëpunimin me përbërësit e tyre duke përdorur kuadrin ligjor ekzistues dhe iniciativat e propozuara inovative.
Për sa i përket angazhimit të qytetarëve, aleanca propozon metoda pjesëmarrëse në përputhje me karakteristikat e grupeve specifike që kërkojnë pjesëmarrje më të madhe dhe efektive, duke u mbështetur në përvojat e fituara gjatë viteve 2020 dhe 2021. Me synimin për të forcuar dhe zhvilluar mekanizma të qëndrueshëm për të siguruar pjesëmarrjen e qytetarëve në vendimmarrje, organizatat do të punojnë drejtpërdrejt me këshillat vendorë, grupet e qytetarëve formale dhe joformale në lagje, individët, grupet e të rinjve dhe grave, minoritetet dhe organizatat e shoqërisë civile. 
Aktivitetet janë të dizajnuara në atë mënyrë që të lidhin hendekun e komunikimit ndërmjet institucioneve komunale, institucioneve të nivelit qendror, përmes një qasjeje të qytetarëve për përcaktimin e prioriteteve. Ndërhyrjet janë të dizajnuara për të përshtatur nivelin e njohurive të grupeve të synuara në lidhje me proceset e pjesëmarrjes publike dhe për të zhvilluar mekanizma praktik dhe funksional për të rritur më tej aktivizmin qytetar dhe qeverisjen e mirë institucionale. 
Së fundi, qasja e aleancës drejt arritjes së objektivave të përcaktuara, merr parasysh një dimension të kujdesshëm gjinor dhe fuqizimin e grave në vendimmarrje. Për të arritur këtë, secila organizatë do të vazhdojë të punojë me vajza dhe gra nga të gjitha komunitetet, grupet e grave, organizatat joqeveritare të udhëhequra nga gratë dhe gratë anëtare të kuvendit komunal, në mënyrë që të punojnë në përmirësimin e aktivizmit të grave dhe motivimin e grave të tjera për t'iu bashkuar iniciativat.

Arritjet:
Arritjet e përbashkëta
•	Aktivitetet koordinuese të koalicionit  
•	Dialogu me shumë palë për organizimin dhe forcimin e këshillave vendore 
•	Këshillat vendorë forcohen me mbështetjen e Forumit të Organizatave të Shoqërisë Civile dhe Ministrisë së Administrimit të Pushtetit Lokal 
•	Buletini dy mujor i Aleancës dhe video të shkurtra mbi rezultatet e projektit 
•	Paneli i Aleancës për monitorimin e qeverisjes së mirë
•	Monitorimi i dëgjimeve për buxhetin komunal 
•	Trajnimi i lidershipit të të rinjve 
•	Punëtoria e Aleancës
SIV
•	Takime mbështetëse dhe avokuese për themelimin e Zyrës ndihmesë për Qytetarët në komunën e Gjakovës
•	Takime avokuese me drejtoritë e Administratës Publike në Klinë, Istog dhe Deçan
•	Nxjerrja dhe publikimi i prioriteteve të Këshillit lokal
•	Fushata ndërgjegjësuese për pjesëmarrjen e grave dhe të rinjve në këshillat lokal 
•	Mbështetja e Këshillave lokal në kryerjen e përgjegjësive të tyre
CSD
•	Promovimi i objektivave dhe aktiviteteve të projektit 
•	Riorganizimi, riaktivizimi, rivitalizimi i Këshillave lokal
•	Programi për ngritjen e kapaciteteve për Këshillave lokal 
•	Rrjeti për Aktivizim Qytetar bëhet i gjelbër në Graçanicë
•	Aktivitetet e rrjetit synojnë të ndikojnë në agjendën e nivelit qendror
•	Mbështetja e rritjes së Rrjetit
D+
•	Mbështetja e themelimit të Këshillave Lokale në tri komunat e synuara (Vushtrri, Fushë Kosovë dhe Obiliq)
•	Trajnime për Ngritjen e Kapaciteteve për Këshillat Vendore
•	Angazhimi i Këshillave Lokale në seancat dëgjimore të buxhetit
•	Ruani, promovoni dhe përditësoni platformën ndreqe.com
EC
•	Hulumtim mbi gjithë përfshirjen dhe konsultimin e qytetarëve për vendimmarrje dhe hartimin e projekteve
•	Veprime lokale / shfaqje publike
•	Krijimi i dialogut politik me komunat e reja 
•	Programi i praktikës / Aktivizimi rinor në lagje dhe shkolla 
•	Hulumtim mbi legjislacionin kombëtar të planifikimit
•	Diskutimi publik dhe konferenca përmbyllëse 
•	Mirëmbajtja e platformës së internetit dhe publikimi i informacionit mbi aktivizimin
•	Fushata mediatike për aktivizimin e lagjes.

Titulli i Projektit: “Detyrimi ynë për të Ardhmen - Mbrojtja e Fëmijës dhe Qeverisja me të Drejtat e Fëmijëve” 
Kohëzgjatja: 12 muaj (Janar - dhjetor 2022)
Vendi: Pejë, Gjakovë, Klinë, Gjilan dhe Prizren, Prishtinë, Ferizaj dhe Mitrovicë
Organizata(t) zbatuese: Syri i Vizionit
Buxheti: 59,540.23 euro
Donatorët: Save the Children Kosova/o dhe SIDA

Qëllimi i projektit: Syri i Vizionit në kuadër të këtij programi do të punojë në dy tematika në fushën e Mbrojtjes së Fëmijës dhe Qeverisjes me të Drejtat e Fëmijëve. Në fushën e Mbrojtjes së Fëmijës do të ndikojë në krijimin e infrastrukturës ligjore e cila mbron fëmijët dhe ndalon dhunën e ndëshkimin trupor ndaj fëmijëve në çdo mjedis, po ashtu edhe në ngritjen profesionale të institucioneve që për mandat kanë mbrojtjen e fëmijëve për të ofruar shërbime të shpejta dhe profesionale. Në fushën e Qeverisjes me të Drejtat e Fëmijëve, programi do të punojë më fëmijët e grupit monitorues RoR dhe Asambletë e Fëmijëve në fuqizimin e rolit të tyre për hartimin e politikave dhe pjesëmarrjen e tyre në vendimmarrje në nivel lokal e nacional.

Përfituesit: Përfitues janë të gjithë fëmijët e Kosovës pa dallime etnike, fetare, racore, gjinore apo aftësisë së tyre të kufizuar. Institucionet në nivel lokal dhe nacional që për mandat kanë mbrojtjen e fëmijëve dhe qeverisjen më të drejtat e tyre, Asambletë e Fëmijëve, shkollat, prindërit, mësimdhënësit si dhe OSHC-të të cilat punojnë me fëmijë.

Realizimi i projektit:  Syri i Vizionit do të punojë në dy fusha - Mbrojtja e Fëmijëve dhe Qeverisja e të Drejtave të Fëmijëve. Në fushën e Mbrojtjes së Fëmijëve, Syri i Vizionit do të punojë në pesë komuna (në 10 shkolla të Pejës, Gjakovës, Prizrenit, Klinës dhe Gjilanit) dhe do të ndikojë në zhvillimin e infrastrukturës ligjore që mbron fëmijët dhe ndalon dhunën ndaj fëmijëve. Do të punohet ngushtë me institucionet e nivelit lokal e nacional në promovimin e Ligjit për Mbrojtjen e Fëmijëve dhe do të mbështesë institucionet në hartimin e Udhëzimeve Administrative, në veçanti në hartimin e Udhëzimit Administrativ që ndalon ndëshkimin trupor ndaj fëmijëve.
SiV do të organizojë njëkohësisht trajnime për disiplinën pozitive në  prindërimin e përditshëm me prindër si një alternativë për prindërit në rritjen dhe edukimin e fëmijëve pa dhunë dhe pa ndëshkim trupor.  Në kuadër të këtij programi do të ofrohet përkrahje edhe në ngritjen e kapaciteteve të mekanizmave/institucioneve të mandatuara për mbrojtjen e fëmijëve në mënyrë që të ofrojnë shërbime profesionale, duke forcuar kështu dialogun social ndërmjet shkollave, QPS-ve dhe mbrojtjen e fëmijëve dhe familjes nga abuzimi, po ashtu.

Në fushën e Qeverisjes m e të Drejtat  Fëmijës do të punojmë me grupet udhëhequra nga vetë fëmijët si është grupi nacional për monitorimimin e zbatimit të Konventës për të Drejtat e Fëmijës “Respekto të drejtat tona” (Respect Our Rights), Asambletë Komunale të Fëmijëve (AKF), si dhe me koordinatorët për të drejtat e fëmijëve në shtatë komuna – Pejë, Gjilan, Ferizaj, Gjakovë, Klinë, Prishtinë dhe Mitrovicë.  Projekti do të ndikojë edhe në rritjen e transparencës së institucioneve dhe kjo do të arrihet përmes angazhimit të fëmijëve në takime dhe punëtori të drejtpërdrejta me institucionet. Gjatë kësaj periudhe, SiV do të fokusohet gjithashtu në adresimin e gjetjeve të raportit të Young Voices, përmes grupit ROR dhe AKF-ve. Këtë vit dhe në vitet në vijim, një rëndësi e veçantë do t'i kushtohet edukimit të fëmijëve për çështjet mjedisore dhe ndryshimet klimatike, ku përveç ndërgjegjësimit të tyre për këto çështje, do të ketë edhe një fushatë avokuese nga vetë fëmijët duke avokuar kështu për të gjitha institucionet mbi rëndësinë e hartimit të politikave praktike për mbrojtjen e mjedisit dhe ndryshimet klimatike.

Objektivat dhe Rezultatet: 
•	 Rritja e ekspertizës dhe burimeve teknike të OSHC-ve për të përmirësuar efikasitetin e brendshëm dhe efektivitetin e qeverisjes
•	SiV ka zhvilluar dhe planifikimin pjesëmarrës të strategjisë së OCD për 2023-2026 .
•	Fëmijët përfitojnë nga mundësitë e shtuara për t'u organizuar dhe shprehur rreth çështjeve me interes të përbashkët.
•	Forcimi i kapaciteteve në përpjekjet e avokimit dhe lobimit të grupeve të drejtuara nga fëmijët që synojnë rritjen e përgjegjshmërisë së bartësve të detyrës ndaj të drejtave të fëmijëve, barazisë gjinore, mjedisit dhe ndryshimeve klimatike, të zhvilluara dhe ofrimi i tyre i mbështetur nga SiV.
•	Planet e avokimit dhe fushatat e drejtuara nga fëmijët në lidhje me të drejtat e fëmijëve, barazinë gjinore, mjedisin dhe ndryshimet klimatike të zhvilluara dhe ofrimi i tyre i mbështetur nga SC.
•	Fëmijët e mbështetur për të raportuar dhe avokuar në mekanizmat kombëtarë dhe rajonalë të të drejtave të njeriut për të drejtat e tyre sipas Konventës për të Drejtat e Fëmijëve.
•	Partneritet i ri strategjik me iniciativat/organizatat/rrjetet e drejtuara nga fëmijët dhe janë ndërmarrë aktivitete të përbashkëta.
•	Fëmijët marrin pjesë në mënyrë aktive në proceset e vendimmarrjes, duke kërkuar monitorim efektiv dhe llogaridhënie të institucioneve të mandatuara dhe duke marrë iniciativa në avokimin e çështjeve që dalin nga vetë ata.
•	Ndryshimi në ndryshimet e brendshme strukturore, të politikave, buxhetore dhe/ose procedurale për të mbështetur iniciativën dhe/ose partneritetet ndërmjet organizatave të drejtuara nga fëmijët/fëmijë.
•	Grupet e drejtuara nga fëmijët rrisin ndërgjegjësimin për të drejtat e fëmijëve përmes aktiviteteve të fushatës.
•	Fëmijët mbështeten për të raportuar në mekanizmat kombëtarë dhe rajonalë të të drejtave të njeriut për të drejtat e tyre.
•	OShC-të kanë kapacitetet dhe ekspertizën për të mbrojtur të drejtat e fëmijëve dhe për të mbajtur përgjegjësi përgjegjës për të ofruar qasje të barabartë në sisteme cilësore të mbrojtjes së fëmijëve dhe mekanizma të të drejtave të fëmijëve.
•	Fëmijët dhe komunitetet janë të ndërgjegjshëm dhe të sensibilizuar për rëndësinë e parandalimit dhe reagimit adekuat dhe në kohë ndaj rasteve të dhunës, në përputhje me përgjegjësitë e institucioneve të mandatuara në nivel vendor.
•	SCI do të mbështesë partnerët e OSHC-ve dhe grupet e drejtuara nga fëmijët që të angazhohen në mënyrë aktive në dialogun e politikave dhe avokimit për të kërkuar llogari nga shteti për të raportuar mbi të drejtat e fëmijëve dhe për të zbatuar rekomandimet nga grupet e drejtuara nga fëmijët.
•	Rreth 300 anëtarë të komunitetit (prindër/kujdestarë, djem dhe vajza) rrisin kapacitetet për prindërim pa dhunë.
•	SCI do të mbështesë partnerët e OSHC-ve dhe fëmijët/të rriturit për të monitoruar ofrimin e shërbimeve duke përdorur llogaridhënien sociale të përqendruar te fëmijët.
•	Mjetet miqësore për fëmijët për raportimin e dhunës në shkollë njihen dhe përdoren si mekanizma të besueshëm dhe funksionalë për të mbrojtur fëmijët nga dhuna.
•	SC do të mbështesë OSHC-të për të promovuar tre (3) modele të ndërhyrjes për mbrojtjen e fëmijëve dhe për të mbështetur përshtatjen e tyre nga mekanizmat/institucionet e mbrojtjes së fëmijëve për të sfiduar kufizimet sociale, ligjore, politike ose financiare ose normat e dëmshme për qasje të barabartë, mbrojtjen dhe ushtrimin e të drejtave të fëmijëve.
•	SiV do të mbështesë Komunën në krijimin dhe forcimin e mekanizmave ligjorë për mbrojtjen e fëmijëve dhe zbatimin e politikave lokale.
•	SC do të mbështesë partnerët e OSHC-ve për të bërë fushatë në të gjitha nivelet e fushave të tyre të fokusit në pesë perspektiva të cilësisë.
•	OShC-të dhe fëmijët, të mbështetur nga SC, angazhohen në dialog me institucionet për Objektivat e Zhvillimit të Qëndrueshëm.
•	OSHC-të dhe fëmijët, të mbështetur nga SC, angazhohen në dialog me institucionet për Objektivat e Zhvillimit të Qëndrueshëm.
Aktivitetet:
•	Vlerësimi i Zhvillimit të Kapaciteteve Organizative - Zhvillimi i planit të OCD për 2023-2026.
•	Aktiviteti i zhvillimit të kapaciteteve organizative (zbatimi i një aktiviteti që del nga plani i OCD)
•	Punëtori për hartimin e planit të punës për mjedisin dhe mos-diskriminimin.
•	Zbatimi i një fushate për Mjedisin dhe Mos-diskriminimin.
•	Takime avokuese me ZQM, MASHT, Komisionin e Kuvendit për DNJBPPDHS dhe Koordinatorët për të drejtat e fëmijëve.
•	Trajnim për të ndërtuar kapacitetin e fëmijëve për llogaridhënie dhe transparencë.
•	Shënimi i Ditës së KNKK-së dhe Ditës Ndërkombëtare të Fëmijëve.
•	Fushata për promovimin e Ligjit për Mbrojtjen e Fëmijëve.
•	Monitorimi i zbatimit të ligjit për mbrojtjen e fëmijës.
•	Konferenca Kombëtare.
•	Trajnim për disiplinën pozitive për prindërit.
•	Vendosja e posterave informues në shkolla, të cilat tregojnë hapat që duhet të ndërmarrë shkolla për parandalimin dhe raportimin e dhunës, në përputhje me protokollin e qeverisë për parandalimin dhe raportimin e dhunës në shkollë.
•	Takime me kryetarët e komunave dhe Ministrinë e Administrimit të Pushtetit Lokal dhe Zyrën për Qeverisje të Mirë-ZQM  për themelimin e Ekipit për të Drejtat e Fëmijëve në komunë.
•	Mbështetja e Ekipit për të Drejtat e Fëmijës në hartimin e Planit të Punës.
•	Konferenca kombëtare- SiV në bashkëpunim me ZQM dhe Ministrinë e Arsimit.