Titulli i Projektit: Ndërtimi i komuniteteve miqësore për të moshuarit nëpërmjet veprimit ndër breza në Kosovë – AGE +
Kohëzgjatja: 36 muaj (Janar 2023 - dhjetor 2025)
Vendi: Kosovë, Serbi
Organizata(t) zbatuese: Syri i Vizionit (për projektin në Kosovë) në partneritet Volkshilfe Solidarität
Donatori: ADA – Austrian Development Cooperation
Buxheti: 318,228 euro

Qëllimi i projektit: Të kontribuojë në forcimin e pjesëmarrjes së të moshuarve në dialog me qeveritë e tyre në nivel lokal, duke shprehur nevojat dhe përfshirjen në vendimmarrje për shërbimet ndaj të tyre, rritjen e kapaciteteve të komunave, sektorëve privat dhe ofruesve të tjerë të shërbimeve për të ofruar shërbime për të moshuarit bazuar në rekomandimet e qytetarëve të moshuar dhe rritjen e ofrimit të shërbimeve plotësuese si mbështetje për të moshuarit në nivel lokal.

Përfituesit: Në të dy komunat - Pejë dhe Istog, ku është paraparë realizimi i projektit, Syri i Vizionit do të punojë ngushtë me akterët e ndryshëm të cilët ndihmojnë në realizimin e projektin e të cilët janë: Drejtoria për Arsim, Drejtoria për Mirëqenie Sociale, Drejtoria e Shëndetësisë, Qendrat për Pune Sociale, Shkollat e mesme të mjekësisë dhe parashkollorët, ndërsa në nivel qendror do të bashkëpunohet me Ministrinë e Arsimit, Shkencës, Teknologjisë dhe Inovacionit, Ministrinë e Financave Punës dhe Transfereve dhe Ministrinë e Shëndetësisë të cilët do të përfshihen gjatë zbatimit të projektit, duke marrë pjesë ne grupe punuese, konferenca, trajnime e takime individuale.

Realizimi i projektit: Programi trevjeçar në Kosovë realizohet nga organizata “Syri i Vizionit” në dy komuna - Pejë dhe Istog - dhe fokusohet në përforcimin e iniciativave dhe shërbimeve ekzistuese për të moshuarit duke marrë parasysh nevojat specifike të grave dhe burrave të moshuar, zhvillon shërbime të reja dhe transformuese duke krijuar qendra solidariteti, kapacitete dhe njohuri për të përmbushur në mënyrë të qëndrueshme nevojat e të moshuarve, duke vënë një fokus të veçantë në gjini. Kontributi i programit do të ndikojë në zgjidhjen dhe zbutjen e disa problemeve si: Zbutja e fenomenit të vetmisë tek të moshuarit dhe efektit të saj, ngritja e kapaciteteve në sektorin privat për të përkrahur të moshuarit bazuar në nevojat e tyre, ofrimi i shërbimeve plotësuese dhe mbështetëse për të moshuarit në nivel lokal, duke mbështetur qendrat e të moshuarave me aktivitete miqësore ndërmjet brezave, ndërgjegjësimi për çështjet e lidhura me gjininë, si dhuna në bazë gjinore, nevojat dhe dëshirat specifike gjinore, stereotipat gjinor dhe hartimi i politikave lokale që njohin të drejtat dhe nevojat e të moshuarve.

Rezultatet e pritura:
•	Asistenca teknike do t’u ofrohet njësive të qeverisjes lokale dhe qendrave këshilluese për të moshuarit për të zhvilluar një strategji për krijimin e një plani lokal për veprimtarinë e të moshuarve. Një shpërblim do t’u jepet individëve, organizatave, mediave apo sektorit privat që dallojnë nga shoqëria, duke kontribuar në zbutjen e efekteve të plakjes në komunë. 
•	Trajnim për punonjësit lokalë të shërbimeve sociale dhe shëndetësore që punojnë drejtpërdrejtë me të moshuarit mbi solidaritetin midis brezave, moshimin dhe abuzimin e të moshuarve, çështjet gjinore, parandalimin dhe zgjidhjen e konflikteve. Kjo do të përmirësojë aftësitë dhe do të zbusë sjelljet e papërshtatshme. Vizitat studimore do të zhvillohen me palët përkatëse të interesit pasi ato janë një faktor kyç i rëndësishëm për të krijuar një ndikim të fortë në zhvillimin lokal. Të gjitha materialet burimore do t'u vihen në dispozicion partnerëve dhe çdo akteri të mundshëm.
•	Krijimi i qendrave lokale të solidaritetit ndër breza në komunat e synuara si dhe shërbime të mbështetura ndër breza në veprimet psiko-sociale dhe shëndetësore, veprimin e hortikulturës, veprimin e njohurive digjitale, veprimin kreativ, veprimin e ushqimit dhe veshjeve, veprim në natyrë. 
•	Secili partner zbaton një veprim pilot me një aktivitet kërkimor përkatës për të vlerësuar efektivitetin e veprimit pilot të bashkëpunimit ndër breza.
•	Bashkëpunimi dhe solidariteti ndërmjet brezave do të përfshihen në aktivitetet e shkollës. Në fund të programit do të sigurohet një konferencë promovuese. Komunat e targetuara në Kosovë do të avokojnë për krijimin e modeleve të qëndrueshme të shërbimeve sociale për të moshuarit dhe përmirësimin e infrastrukturës pensionale bazuar në nevojat e pensionistëve në nivelin qendror të Kosovës.     
•	Aktivitete vetëdijesuese do të realizohen përmes rrjeteve sociale dhe materialeve promovuese për të promovuar komunitetin miqësor për të moshuarit, ulur paragjykimet, nxitur plakjen e shëndetshme dhe solidaritetin ndër breza.

Emri i projektit: Decentralizimi dhe përkrahja e komunave
Kohëzgjatja: 1 maj - 31 korrik 2023
Vendi: Pejë, Junik 
Organizata(t) zbatuese: SiV në partneritet me GAP
Donatori: GAP

Qëllimi i projektit: Matja e ecurisë së realizimit të premtimeve zgjedhore.
Përfituesit: Institucionet lokale shoqëria civile, partitë politike si dhe të gjithë qytetarët
Programi është zhvilluar duke përfshirë disa aktivitete që janë zbatuar gjatë kësaj faze të zbatimit të programit:

Rezultatet dhe aktivitetet: 
-	Takime me kryetarët e komunave dhe institucionet lokale përgjegjëse për zbatimin e premtimeve të fushatave zgjedhore
-	Takimet me përfaqësuesit e subjekteve politike në pozitë dhe opozitë
-	Takime dhe intervista me organizata të shoqërisë civile dhe qytetarë
-	Intervista me banorët e lagjeve dhe lokacioneve ku janë zbatuar disa nga premtimet, etj.

Emri i Projektit: Cohesive futures - Building Resilient Communities through Social Cohesion and Inter-ethnic/Inter-religious Exchange
Kohëzgjatja: 1 shtator 2023 - 31 gusht 2026
Vendi: Kosovë
Organizata(t) zbatuese: Syri i Vizionit në partneritet me Edutask Institute dhe OJQ Aktiv 
Donatori: GCERF
Buxheti: 704,999 euro

Qëllimi i projektit: Projekti synon të ngrite njohurit e komunitetit kundër ekstremizmit të dhunshëm, të promovojë kohezionin social dhe të ofrojë mundësi për arsim dhe përparim ekonomik për të luftuar nxitësit e radikalizimit. Nëpërmjet ndërhyrjeve të synuara, projekti synon të nxisë një shoqëri më gjithëpërfshirëse dhe më të lidhur, duke reduktuar rrezikun që ideologjitë ekstremiste të zënë rrënjë në komunitetet e cenueshme.

Përfituesit:  Përfituesit direkt të programit do të jenë të rinjtë të moshës 16 deri në 29 vjeç. Ata do të jenë studentë të shkollave të mesme dhe universiteti, të punësuar ose të papunë. Gratë: Ky grup përfshin gra të moshës 29 vjeç e lart, duke përfshirë si individët beqarë ashtu edhe të martuar, dhe përfshin ato që janë pjesë e fuqisë punëtore, si dhe ato që nuk janë aktualisht të punësuara. Udhëheqësit e fshatrave të cilët janë zgjidhur nga popullata lokale dhe roli i tyre është të artikulojnë shqetësimet dhe nevojat e komunitetit të tyre para autoriteteve komunale. Udhëheqës fetarë: që përkufizohen si imamë vendas dhe priftërinj ortodoksë e katolikë që udhëheqin objektet fetare dhe që kanë një rol udhëheqës në ofrimin e edukimit fetar në komunitetet lokale. Si dhe personalitete me ndikim të cilët janë individë të karakterizuar nga rolet e tyre të dukshme brenda shoqërisë.

Realizimi i projektit: Projekti do të realizohet nëpërmjet promovimit të ndërveprimeve ndër-grupore mes të rinjve, shkëmbimeve që përfshijnë grupe të ndryshme profesionistësh, biznesesh dhe entitetesh kulturore, do të organizohen ekskursione tematike ndër-komunitare, duke u mundësuar të rinjve me prejardhje të ndryshme etnike të angazhohen dhe të mësojnë nga njëri-tjetri. 
Agjentët kryesorë të ndryshimit në projekt do të jenë drejtuesit dhe anëtarët e këshillave lokal/fshatit, të cilët do të na mbështesin në përzgjedhjen e pjesëmarrësve në projekt dhe të cilët do të trajnohen mbi aspektet kryesore të ekstremizmit të dhunshëm dhe si ta parandalojmë atë.
Fokus i veçantë do t'i kushtohet qasjes së barabartë në mundësitë sociale dhe ekonomike. Kjo do të arrihet nëpërmjet krijimit/funksionalizimit të qendrave lokale, ku gratë dhe të rinjtë do të marrin pjesë në aktivitete edukative dhe kulturore. Një aspekt tjetër i qasjes së barabartë në mundësitë sociale dhe ekonomike do të jetë krijimi i bashkëpunimit me zyrat e punësimit dhe trajnimi për zhvillimin e aftësive për punësim.

Rezultatet e pritura:
•	Udhëheqësit e fshatit/komunitetit, udhëheqësit fetarë dhe personalitetet me ndikim fitojnë njohuri për PVE (Parandalimi i Ekstremizmit të Dhunshëm) dhe promovojnë ndjenjën e përkatësisë, përfshirjes, tolerancës dhe sigurisë midis komunitetit përmes seancave të dialogut.
o	Zhvillimi i seancave të dialogut me drejtuesit e fshatit për të promovuar PVE dhe kohezionin social
o	Trajnim i këshillave të fshatrave, udhëheqësve fetarë dhe personaliteteve me ndikim
o	Organizimi i sesione dhe takime tematike të dialogut për tema specifike bazuar në nevojat e identifikuara të komunitetit
•	Të rinjtë dhe gratë kanë qasje në shërbimet e qendrave lokale në të cilat do behet zhvillimi i aftësive për punësim dhe mirëkuptim ndërkulturor
o	Themelimi dhe funksionalizimi i qendra lokale në komunitet. 
o	Zhvillimi i kurrikulave të programit, metodologjitë e trajnimit dhe doracakë për trajnerët dhe do të ofrohen ToT
o	Organizimi i trajnimeve për zhvillimin e karrierës dhe aftësive të buta, seminare PVE dhe ngjarje kulturore
o	Është krijuar dhe lehtësuar bashkëpunimi me zyrat e punës
•	Përmirësimi i komunikimit ndëretnik, bashkëpunimi dhe besimi për interesa të ndërsjella ndërmjet komuniteteve
o	Në komunat e synuara do të organizohen takime me komunitetin, në të cilat komuniteti do të flasë për problemet me të cilat përballet si komunitet në tërësi. Dhe ata do të identifikojnë iniciativat që ndikojnë në përmirësimin e jetës së komunitetit
o	Nga iniciativat e përzgjedhura nga komuniteti në forume do të organizohen aktivitete të shkëmbimit të përvojave ndërmjet komuniteteve e të cilat mund të jenë në fushën e kulturës, biznesit etj.
o	Nga iniciativat e përzgjedhura nga komuniteti do të organizohen ekskursione tematike ndërmjet komuniteteve si dhe do të mbështeten iniciativat me grante të vogla.

Emri i Projektit: Promovimi i Aktivizimit të Gjelbër në Komunitet
Kohëzgjatja: 21 muaj (Shtator 2023 – qershor 2025)
Vendi: Pejë
Organizata(t) zbatuese: Syri i Vizionit
Buxheti: 8307.68 euro
Donatoret: UNDF

Qëllimi i projektit: Instituti Demokratik i Kosovës ka krijuar një rrjet të organizatave jo qeveritare në 12 komuna të Kosovës, që për qëllim ka t’i evidentojë dhe të ndikojë të vendimmarrësit që t’i përmbushin premtimet elektorale dhe objektivat që bien në fushën e agjendës së gjelbër.

Përfituesit: Të gjithë qytetarët e komunave ku zbatohet projekti, institucionet e nivelit lokal dhe qendror, mediat dhe e gjithë Kosova. 

Realizimi i projektit: Ofrimit të ekspertizës teknike dhe njohurive avokuese për aktorët e shoqërisë civile, ky projekt lehtëson rrjetëzimin e krijuar për të ndihmuar grupet e komunitetit dhe përgjegjësit e zgjedhur në qytete të ndryshme për të ndarë praktikat më të mira se si të zbatojnë politika dhe projekte të qëndrueshme për mjedisin.
Projektit promovon një qeverisje më të gjelbër në Kosovë përmes aktivizmit të zgjeruar të komunitetit në shtyrjen përpara të politikave të orientuara drejt së gjelbrës dhe kërkimit të llogarisë nga qeveritë e tyre lokale përmes monitorimit dhe auditimit social.

Arritjet:
•	Organizimi i vizitave në terren nga OJQ-të dhe anëtarët e komunitetit
•	Organizimi i diskutimit publik
•	Punëtori një-ditore
•	Dy diskutime për orën e gjelbër
•	Një fletënotim për performancën e qeverisjes lokale
•	Një auditim social

Emri i Projektit: AQH - Kujdesi Shëndetësor i Qasshëm dhe Cilësor
Kohëzgjatja: 8 muaj (Mars  2023 – Nëntor 2023)
Vendi: Pejë, Istog, Deçan
Organizata(t) zbatuese: Syri i Vizionit
Buxheti: 41900euro
Donatoret: Swiss Agency for Development

Syri i Vizionit është angazhuar për përmirësimin e shëndetit publik përmes ndërgjegjësimit të qytetarëve për sëmundjet jo ngjitëse. Gjatë vitit 2023, me mbështetje nga Projekti AQH-Kujdesi Shëndetësor i Qasshëm dhe Cilësor, financuar nga Agjencia Zvicerane për Zhvillim dhe Bashkëpunim (SDC) dhe i zbatuar nga Swiss TPH, kemi realizuar sesione ndërgjegjësuese dhe karvanë shëndetësorë me qëllim edukimin e popullsisë për parandalimin dhe menaxhimin e hipertensionit, diabetit dhe astmës në disa nga komunat e Kosovës.

Sesionet e ndërgjegjësimi në komunitet
Nga marsi deri në nëntor, janë zhvilluar 44 sesione ndërgjegjësuese në bashkëpunim me stafin shëndetësor nga pesë komunat: Pejë, Istog, Klinë, Deçan dhe Junik. Këto sesione janë organizuar kryesisht në Qendrat e Mjekësisë Familjare (QMF) dhe në shkolla e te cilat kanë synuar individët me probleme shëndetësore për t’i informuar mbi hipertensionin, diabetin dhe astmën, ku pos informative u bënë edhe matjet për këto sëmundje jo-ngjitëse.

Pjesëmarrësit në sesionet e periudhës mars – qershor:
•	Pejë: 6 sesione
•	Istog: 5 sesione
•	Klinë: 6 sesione
•	Deçan: 3 sesione
•	Junik: 3 sesione
o	Total: 24 sesione, 624 pjesëmarrës (408 gra, 216 burra)

Pjesëmarrësit në sesionet e periudhës korrik – nëntor:
•	Pejë: 7 sesione
•	Istog: 1 sesion
•	Deçan: 9 sesione
•	Junik: 3 sesione
o	Total: 20 sesione, 500 pjesëmarrës (352 gra, 148 burra)

Gjatë këtyre sesioneve, janë identifikuar 21 raste të reja me hipertension, 14 raste me diabet dhe 3 raste me astmë, të cilët janë referuar për trajtim të mëtejshëm.
Karvanët Shëndetësorë: Angazhimi i komunitetit
Përveç sesioneve ndërgjegjësuese, janë organizuar 13 karvanë shëndetësorë në disa komuna, duke arritur gjithsej 1,984 pjesëmarrës. Qëllimi i këtyre karvanëve ishte rritja e ndërgjegjësimit për sëmundjet jo të transmetueshme dhe inkurajimi i stilit të jetesës më të shëndetshme.

Çdo karvan përfshinte disa pika informuese:
1.	Të përdorimit të duhanit: Informimi për dëmshmërinë e duhanit dhe përfitimet e lënies së tij.
2.	Të alkoolit: Ndërgjegjësimi për rreziqet që shoqërohen me abuzimin me alkoolin.
3.	Aktiviteti fizik: Promovimi i rëndësisë së aktivitetit fizik të rregullt për shëndetin.
4.	Ushqimi i shëndetshëm: Këshilla mbi ushqimin dhe zgjedhjet ushqimore të shëndetshme.
5.	Kontrolle shëndetësore: Pjesëmarrësit bëheshin kontrolle për hipertensionin, diabetin dhe obezitetin, duke marrë këshilla dhe rekomandime të menjëhershme nga mjekët dhe infermierët.

Karvanët shëndetësorë u mbajtën në lokacione kyçe, si në qendrat e qytetit, oborre shkollash dhe afër objekteve fetare, për të arritur një audiencë sa më të gjerë.
Karvanët Shëndetësorë mars – qershor:
•	Pejë, Klinë, Istog, Junik, Kamenicë, Deçan: 7 karvane, 1,071 pjesëmarrës (394 gra, 677 burra)
Karvanët Shëndetësorë korrik – nëntor:
•	Pejë, Klinë (Gllarevë), Junik, Kamenicë (Roganë), Deçan (Irzniq): 6 karvane, 913 pjesëmarrës (376 gra, 537 burra)
Këta karvanë shëndetësorë ndihmuan gjithashtu në identifikimin e 85 rasteve të reja me hipertension, diabet dhe sëmundje të tjera, duke siguruar që individët të merrnin kujdesin e nevojshëm.

Ndikimi dhe arritjet
Në total, 2,524 individë morën pjesë në sesionet e ndërgjegjësuese dhe karvanët shëndetësorë, duke përfshirë një numër të konsiderueshëm të pjesëmarrësve nga komunitetet lokale. Përveç edukatës për shëndetin, u identifikuan 106 raste të reja me hipertension, diabet dhe astmë, të cilët janë referuar për trajtim të mëtejshëm.
Syri i Vizionit, vazhdon të jetë i angazhuar për promovimin dhe ndërgjegjësimin shëndetësor dhe forcimin e komuniteteve të shëndetshme në gjithë Kosovën.

Titulli i Projektit: “Detyrimi ynë për të Ardhmen - Mbrojtja e Fëmijës dhe Qeverisja me të Drejtat e Fëmijëve” 
Kohëzgjatja: 12 muaj (Janar 2023 - dhjetor 2023)
Vendi: Pejë, Gjakovë, Klinë, Gjilan dhe Prizren, Prishtinë, Ferizaj dhe Mitrovicë
Organizata(t) zbatuese: Syri i Vizionit
Buxheti: 91,938.62 euro
Donatoret: Save the Children Kosova/o dhe SIDA

Qëllimi i projektit: Syri i Vizionit në kuadër të këtij programi do të punojë në dy tematika në fushën e Mbrojtjes së Fëmijës dhe Qeverisjes me të Drejtat e Fëmijëve. Në fushën e Mbrojtjes së Fëmijës do të ndikojë në krijimin e infrastrukturës ligjore e cila mbron fëmijët dhe ndalon dhunën e ndëshkimin trupor ndaj fëmijëve në çdo mjedis, po ashtu edhe në ngritjen profesionale të institucioneve që për mandat kanë mbrojtjen e fëmijëve për të ofruar shërbime të shpejta dhe profesionale. Në fushën e Qeverisjes me të Drejtat e Fëmijëve, programi do të punojë më fëmijët e grupit monitorues RoR dhe Asambletë e Fëmijëve në fuqizimin e rolit të tyre për hartimin e politikave dhe pjesëmarrjen e tyre në vendimmarrje në nivel lokal e nacional.

Përfituesit: Përfitues janë të gjithë fëmijët e Kosovës pa dallime etnike, fetare, racore, gjinore apo aftësisë së tyre të kufizuar. Institucionet në nivel lokal dhe nacional që për mandat kanë mbrojtjen e fëmijëve dhe qeverisjen më të drejtat e tyre, Asambletë e Fëmijëve, shkollat, prindërit, mësimdhënësit si dhe OSHC-të të cilat punojnë me fëmijë.

Realizimi i projektit:  Syri i Vizionit do të punojë në dy fusha - Mbrojtja e Fëmijëve dhe Qeverisja e të Drejtave të Fëmijëve. Në fushën e Mbrojtjes së Fëmijëve, Syri i Vizionit do të punojë në pesë komuna (në 10 shkolla të Pejës, Gjakovës, Prizrenit, Klinës dhe Gjilanit) dhe do të ndikojë në zhvillimin e infrastrukturës ligjore që mbron fëmijët dhe ndalon dhunën ndaj fëmijëve. Do të punohet ngushtë me institucionet e nivelit lokal e nacional në promovimin e Ligjit për Mbrojtjen e Fëmijëve dhe do të mbështesë institucionet në hartimin e Udhëzimeve Administrative, në veçanti në hartimin e Udhëzimit Administrativ që ndalon ndëshkimin trupor ndaj fëmijëve.
SiV do të organizojë njëkohësisht trajnime për disiplinën pozitive në  prindërimin e përditshëm me prindër si një alternativë për prindërit në rritjen dhe edukimin e fëmijëve pa dhunë dhe pa ndëshkim trupor.  Në kuadër të këtij programi do të ofrohet përkrahje edhe në ngritjen e kapaciteteve të mekanizmave/institucioneve të mandatuara për mbrojtjen e fëmijëve në mënyrë që të ofrojnë shërbime profesionale, duke forcuar kështu dialogun social ndërmjet shkollave, QPS-ve dhe mbrojtjen e fëmijëve dhe familjes nga abuzimi, po ashtu.
Në fushën e Qeverisjes me të Drejtat  Fëmijës do të punojmë me grupet udhëhequra nga vetë fëmijët si është grupi nacional për monitorimimin e zbatimit të Konventës për të Drejtat e Fëmijës “Respekto të drejtat tona” (Respect Oour Rights), Asambletë Komunale të Fëmijëve  (AKF), si dhe me koordinatorët për të drejtat e fëmijëve në shtatë komuna – Pejë, Gjilan, Ferizaj, Gjakovë, Klinë, Prishtinë dhe Mitrovicë.  Projekti do të ndikojë edhe në rritjen e transparencës së institucioneve dhe kjo do të arrihet përmes angazhimit të fëmijëve në takime dhe punëtori të drejtpërdrejta me institucionet. Gjatë kësaj periudhe, SiV do të fokusohet gjithashtu në adresimin e gjetjeve të raportit të Young Voices, përmes grupit ROR dhe AKF-ve.  Këtë vit dhe në vitet në vijim, një rëndësi e veçantë do t'i kushtohet edukimit të fëmijëve për çështjet mjedisore dhe ndryshimet klimatike, ku përveç ndërgjegjësimit të tyre për këto çështje, do të ketë edhe një fushatë avokuese nga vetë fëmijët duke avokuar kështu për të gjitha institucionet mbi rëndësinë e hartimit të politikave praktike për mbrojtjen e mjedisit dhe ndryshimet klimatike.
Objektivat dhe rezultatet: 
•	Rritja e ekspertizës dhe burimeve teknike të OSHC-ve për të përmirësuar efikasitetin e brendshëm dhe efektivitetin e qeverisjes.
•	Strategjia e re/përditësuar do të rivendosë misionin dhe vizionin e organizatës dhe do të hapë më tej rrugën për drejtimin e OJQ-ve duke qenë në gjendje të marrë vendimet më të mira përmes strategjisë së re.
•	Përditësimi dhe rivendosja e strategjisë së re për mbrojtjen e fëmijëve në mënyrë që të forcohet sistemi i mbrojtjes së fëmijëve dhe të zhvillohen dhe përshtaten programe të reja në përputhje me strategjinë e re.
•	Plani i Sigurisë do të jetë më gjithëpërfshirës dhe përfshin një plan të përditësuar për emergjencat.
•	Sistemi i instaluar i serverit të Windows do të lejojë më shumë mbrojtje të të dhënave dhe do të mbajë të gjitha skedarët dhe skedarët e ndjeshëm të të gjithë organizatës
•	Fëmijët përfitojnë nga mundësitë e shtuara për t'u organizuar dhe shprehur rreth çështjeve me interes të përbashkët.
•	Fëmijët marrin pjesë në mënyrë aktive në proceset e vendimmarrjes, duke kërkuar monitorim efektiv dhe llogaridhënie të institucioneve të mandatuara dhe duke marrë iniciativa në avokimin e çështjeve që dalin.
•	OShC-të dhe grupet joformale/formale të drejtuara nga fëmijët janë të trajnuar dhe mbështetur për të hyrë në bartësit e detyrave dhe për të mbyllur qarkun e reagimit për të siguruar llogaridhënie ndaj fëmijëve.
•	Fëmijët e mbështetur për të raportuar dhe avokuar në mekanizmat kombëtarë dhe rajonalë të të drejtave të njeriut për të drejtat e tyre sipas Konventës për të Drejtat e Fëmijëve
•	Forcimi i kapaciteteve në përpjekjet e avokimit dhe lobimit të grupeve të drejtuara nga fëmijët që synojnë rritjen e përgjegjshmërisë së bartësve të detyrës ndaj të drejtave të fëmijëve, barazisë gjinore, mjedisit dhe ndryshimeve klimatike të zhvilluara dhe ofrimi i tyre i mbështetur nga SiV-SC Fëmijët e trajnuar për të drejtat e fëmijëve, si dhe avokimin dhe fushatën për të drejtat e tyre.
•	OSHC-të kanë kapacitetet dhe ekspertizën për të mbrojtur të drejtat e fëmijëve dhe për të mbajtur përgjegjësi përgjegjës për të ofruar akses të barabartë në sisteme cilësore të mbrojtjes së fëmijëve dhe mekanizma të të drejtave të fëmijëve.
•	Fëmijët dhe komunitetet janë të ndërgjegjshëm dhe të sensibilizuar për rëndësinë e parandalimit dhe reagimit adekuat dhe në kohë ndaj rasteve të dhunës, në përputhje me përgjegjësitë e institucioneve të mandatuara në nivel lokal.
•	SCI do të mbështesë partnerët e OSHC-ve dhe grupet e drejtuara nga fëmijët që të angazhohen në mënyrë aktive në dialogun e politikave dhe avokimit për të kërkuar llogari nga shteti për të raportuar mbi të drejtat e fëmijëve dhe për të zbatuar rekomandimet nga grupet e drejtuara nga fëmijët.
•	 Anëtarët e komunitetit (prindër/kujdestarë, djem dhe vajza) rrisin kapacitetet për prindërim pa dhunë.
•	SC do të mbështesë OSHC-të për të promovuar tre (3) modele të ndërhyrjes për mbrojtjen e fëmijëve dhe për të mbështetur përshtatjen e tyre nga mekanizmat/institucionet e mbrojtjes së fëmijëve për të sfiduar kufizimet sociale, ligjore, politike ose financiare ose normat e dëmshme për qasje të barabartë, mbrojtjen dhe ushtrimin e të drejtave të fëmijëve. 
•	Mjetet për raportimin e dhunës në shkollë njihen dhe përdoren si mekanizma të besueshëm dhe funksionalë për të mbrojtur fëmijët nga dhuna.
•	SC do të mbështesë OSHC-të për të promovuar tre (3) modele të ndërhyrjes për mbrojtjen e fëmijëve dhe për të mbështetur përshtatjen e tyre nga mekanizmat/institucionet e mbrojtjes së fëmijëve për të sfiduar kufizimet sociale, ligjore, politike ose financiare ose normat e dëmshme për qasje të barabartë, mbrojtjen dhe ushtrimin e të drejtave të fëmijëve. 
•	SiV do të mbështesë Komunën në krijimin dhe forcimin e mekanizmave ligjorë për mbrojtjen e fëmijëve dhe zbatimin e politikave lokale
•	SC do të mbështesë partnerët e OSHC-ve për të bërë fushatë në të gjitha nivelet e fushave të tyre të fokusit në pesë perspektiva të cilësisë.
•	SiV dhe grupet e drejtuara nga fëmijët angazhohen në dialog me institucionet në të gjitha nivelet për një koordinim më të mirë për të drejtat e fëmijëve dhe mbrojtjen e fëmijëve.
•	OSHC-të dhe fëmijët, të mbështetur nga SC, angazhohen në dialog me institucionet për Objektivat e Zhvillimit të Qëndrueshëm .
Aktivitetet:
•	Organizimi i punëtorisë - Zhvillimi i Planit të Veprimit për Strategjinë me qëllime, objektiva dhe pika të qarta.
•	Organizimi i seminarit - Zhvillimi i Strategjisë për Mbrojtjen e Fëmijëve.
•	Organizim i seminarit për të përditësuar planin e sigurisë dhe për të caktuar një pikë qendrore sigurie.
•	Instalimi i pajisjeve dhe softuerit e ri dhe organizimi i trajnimeve për mënyrën e përdorimit; Zhvillimi i protokolleve për menaxhimin e softuerit.
•	Punëtori për zhvillimin e idesë së dy fushatave për mjedisin dhe mosdiskriminimin.
•	Fushata të drejtuara nga fëmijët për mjedisin dhe mosdiskriminimin.
•	Shënimi i Ditës së KNKK-së dhe Ditës Ndërkombëtare të Fëmijëve .
•	Raport monitorimi për Konventën për të Drejtat e Fëmijës (neni 19).
•	Takime avokuese me ZQM, MASHTI, Komisionin e Kuvendit për DBGJPPDHS dhe Koordinatorët për të drejtat e fëmijëve.
•	Trajnim për të ndërtuar kapacitetin e fëmijëve për llogaridhënie dhe transparencë.
•	Takime periodike me AKF-të.
•	Fushata për promovimin e Ligjit për mbrojtjen e fëmijëve.
•	Takime periodike të grupeve të fëmijëve me Këshillin për të Drejtat e Fëmijëve.
•	Punëtori për Hartimin e Kornizës Standarde për Monitorimin e Punës së Ekipit për të Drejtat e Fëmijëve.
•	Trajnim për prindërimin pa dhunë .
•	Punëtori me grupin punues për zhvillimin e politikës për mbrojtjen e fëmijëve për MASHTI-n.
•	Sesione informuese me koordinatorë të cilësisë në shkolla dhe komuna.
•	Takime me kryetarët e komunave dhe ZQM për themelimin e Ekipit për të Drejtat e Fëmijëve në Komunë.
•	Mbështetja e ekipit për të drejtat e fëmijëve në zbatimin e planit të punës.
•	Konferenca kombëtare - SiV në bashkëpunim me ZQM dhe MASHTI-në.
•	Fushata për qashe të barabartë të fëmijëve me aftësi të kufizuara në hapësirat qytetare në shkolla dhe hapësira të tjera publike.
•	Promovimi dhe forcimi i rolit të Këshillave të Nxënësve në Shkolla për zgjerimin e Hapësirës Qytetare të fëmijëve në shkolla. 
•	Takimi koordinues ndërmjet organizatave që punojnë me grupe fëmijësh .

Emri i projektit: Fuqizimi i punësueshmërisë së të rinjve dhe/ose grupeve të margjinalizuara në komunën e Ferizajt
Kohëzgjatja: 01 nëntor  2023  -  prill 2026
Vendi: Ferizaj 
Organizata(t)zbatuese: SiV 
Donatori: German Federal Ministry for Economic Cooperation and Development (BMZ) and SOS-Kinderdörferëeltëeit, Hermann-Gmeiner-Fonds Deutschland (HGFD).
Buxheti: 72.960 euro 

Qëllimi i projektit: Mbështetja e të rinjve të margjinalizuar dhe përgatitja e tyre për qasje në tregun e punës, duke i kthyer ata në agjentë të zhvillimit ekonomik dhe përfshirjes sociale.
Përfituesit: Janë  72 të rinj, të moshës 16-35 vjeç, të cilët kanë status të vështirë ekonomik dhe social dhe nivel më të ulët arsimor, si dhe jetojnë në zona me gjeografi specifike. Nga 72 të rinj, 50% e tyre do të jenë femra, 65% do të jenë të rinj nga komuniteti shqiptar, 35% do të jenë nga komuniteti rom, egjiptian dhe ashkali dhe 5% do të jenë persona me aftësi të kufizuara, duke siguruar kështu përfshirjen e të rinjve në tre lokalitete ku do të zhvillohet programi në komunën e Ferizajt.

Rezultatet:
•	Mbështetja e dialogut social ndërmjet institucioneve, komunitetit të biznesit dhe të rinjve
•	Ngritja e kapaciteteve dhe fuqizimi i të rinjve përmes aftësive jetësore dhe punës
•	Institucionet vendore dhe aktorët e tjerë relevantë kanë rritur ndërgjegjësimin e tyre për situatën e të rinjve në nevojë dhe janë të vetëdijshëm për mekanizmat e mundshëm për të përmirësuar situatën e situatës së grupit të synuar.
Aktivitetet:
-	Zhvillimi i strategjisë dhe metodologjisë së programit
-	Nënshkrimi i marrëveshjeve për referenca ndaj rasteve të të rinjve të margjinalizuar dhe të pa përfshirë
-	Organizimi i tryezave të rrumbullakëta për hartimin e rekomandimeve të përbashkëta
-	Përzgjedhja e 72 të rinjve të margjinalizuar duke përfshirë moshat 16 - 34 vjeç, djem dhe vajza nga komunitete të ndryshme, 40% e të cilëve do të jenë femra.
-	Zhvillimi i kompetencave (Zhvillimi i trajnimeve në grup)
-	Sesione individuale mentorimi
-	Fuqizimi i të rinjve në avokim për adresimin e kërkesave dhe nevojave të tyre
-	Peer to Peer