Syri i Vizionit nënshkruan marrëveshje me Komunën e Istogut
![](https://syriivizionit.org/repository/images/670_260/10_02_2021_8093280_siv1aaa.jpg)
Në një ceremoni solemne të mbajtur sot, e mërkurë, është bërë nënshkrimi i Marrëveshjes së Bashkëpunimit në mes të organizatës Syri i Vizionit(SiV) dhe Komunës së Istogut. Kjo marrëveshje është arritur lidhur me programin dyvjeçar “Fuqizimi dhe punësimi i të rinjve, grave, dhe grupeve tjera në nevojënë pesë komuna të Kosovës” i mbështetur nga fondet e Bashkimit Evropian, i cili ka nisur të zbatohet nga SiV në partneritet me organizatën The Balkan Forum dhe Komunën në fjalë.
Projekti synon të ofrojë masa shtesë aktive për tregun e punës, të tilla si sigurimi i mbështetjes për trajnime specifike, trajnime në vend të punës, ofrim të praktikës në punë dhe vetë-punësimin e grupeve të cenueshme në Kosovë, në mënyrë specifike në komunat Pejë, Istog, Deçan, Klinë e Junik.
Ky projekt po ashtu do të mbështesë zhvillimin e ndërmarrjeve të reja për të krijuar perspektivën e punësimit për grupet të cilat janë veçanërisht të rrezikuara në tregun e punës.
![](https://syriivizionit.org/repository/images/main/10_02_2021_8711114_siv1.jpg)